Монголын Энх тайван, Найрамдлын Байгууллагын Ерөнхийлөгч Д. Загджав 2016 оны 6 сарын 22-ны өдөр Энх тайван, найрамдлын Ордонд ОХУ-аас Монгол Улсад суугаа ЭСЯ-ны дунд сургуулийн захирал Вадим Викторович Балашовт энх тайван, найрамдал, хамтын ажиллагааны шагнал “Найрамдал” медалийг гардуулав.
В. В. Балашовыг Монгол Улс, Оросын Холбооны Улсын найрсаг харилцаа, хамтын ажиллагааг өргөжүүлэн хөгжүүлэх, хоёр орны хүүхэд залуучуудыг сурган хүмүүжүүлэх үйлсэд оруулж буй хувь нэмрийг үнэлж энэхүү шагналаар шагнасан байна.
Тэрээр ОХУ-ын Ярослав хотын багшийн дээд сургуулийг дүүргэж, боловсролын салбарт 33 дахь жилдээ ажиллаж байгаа туршлагатай, чадварлаг сурган хүмүүжүүлэгч, боловсролын байгууллагын удирдах ажилтан юм.
Шагнал гардуулахад МЭТНБ-ын хэрэг эрхлэх газрын дарга Р. Баярсайхан, хөрш орнуудын газрын дэд захирал Ё. Максим нар байлцав.
